|
  
|
踏入第17個月, 希希已經聽得明大人講咩, 所以叫佢做咩佢都會做
但係最近佢既脾氣真係好差呀 ,上星期仲好地地, 大聲叫佢唔好,佢就唔會再做...但哩2日唔知做咩,佢一唔滿意就發脾4, 係咁大喊大叫,頭撞地,打自己面, 扭曬身, 喊到癲左咁, 抱又唔要...真係要呵好耐先冇事!!! 打佢幾下,佢仲喊得更慘,喊到冇氣咁滯....所以真係唔敢打佢, 一定要拿拿聲呵返佢先得! 點解會咁GA?!!! 係唔係出2隻大牙+2隻下面牙仔好辛苦,個人好炆呢?? 唉, 希望快D 打回原形,乖乖地啦~ 
上次病1個星期後, 成個人瘦曬喇....好彩依家肯食返多D 野, 唯有再谷返肥佢啦.....高又高左好多喇,不過瘦蚊蚊, 24磅都冇
食野又唔係少過人, 粥都成300ML 多D GA...... 哩期開始刻食大人既野, 我咬APPLE,佢都要試下, 係好既開始 ^^
2個半月前先病完, 依家又再病喇.......真係擔心死媽咪呀
上果次係因為喉嚨發炎引起高燒, 所以住左院4日....今次係因為感冒而引起喉嚨發炎,咳,發燒! 第一日發燒已經拿拿聲帶你去睇醫生,食左3日藥,d 燒仍然時燒下時停下,同埋d 咳仲有痰tim!! 次次餵你食藥真係好驚,打仗咁!!! 係咁大叫大喊,又大力到不得了, d 藥食完又bu 返出來.....上一次姑娘教我點餵你, 哩d方法已經對你起唔到對作用喇! 真係要好辛苦先迫到你食藥!! 放d藥落奶度, 飲2下你又知...所以你一病,大家都好驚
希希呀.....你唔好再病喇,媽咪哩幾晚都冇得訓, 媽咪唔係怕辛苦,而係好擔心你會好辛苦呀!! 你乖乖食藥啦.......咁先會好快好返ga!!!
我既小寶貝,你要永遠健健康康呀!!!
話咁快又16個月喇!!! 依家識行識走, 真係百厭到呢.......... 特別係2個b 一齊既時候, 一個上一個落sofa/床, 真係捉都捉唔切,冇d 精力真係唔敢佢地玩!
希希15個月開始就識得聽得明大人講d 咩,叫佢做咩佢都識, 叻左好多!!只不過佢仍然唔肯點講大人話,成日都係bb 話,最近就識講"蛙蛙"(青蛙) , 車車, 燈燈,wowo, 毛毛 (所有公仔)......
至於食粥方便好好, 可以20mins 內食300ml 既粥, 而生果仍然要渣左汁佢先肯飲
好擇食! 同埋佢好鐘意食麵之頖既野,上次99既炒米粉,佢食左成半碗(之前已經飲左6安奶) ~
希希高左好多, 但係可能拉長左個人,所以睇落好瘦下.... 同埋仍然都好痴身, 成日"dad" 人,但係走埋攬住你果下又好sweet wor
人生踏入第4個結婚周年喇, 哩4年真係有開心過,有激氣過,有傷心過........不過人要向前望,希望來緊既4年,8年,16年......直到老都係同你過
今年係終於可以同阿仔一齊過喇,因為上年係平日,所以剩係同老公2個人出去食飯jer, 而今年就特登拎左幾日大假, 所以今次就帶埋阿仔一齊出去慶祝 ^^ 原先book左海景嘉福食buffet ga, 點之食前1日打來話暫時冇生蠔同三文魚提供, 所以就緊係唔食啦...我最想食既2樣都冇
最後唯有帶左阿仔去食意粉屋, 平時阿仔真係坐唔定ga, 坐一陣就會好嘈,今次又幾乖wor...我抱住佢,餵佢食墨魚飯,魚..... 全程都係食,冇點叫過, 食完埋單之際,比我聞到有d屎味,原來係阿仔痾左屎wor 果度又冇得換片,唯有拿拿聲走人........... 出到去放返落bb車度,希希居然訓著左tim,有屎都訓得著
搵到地方換完片,仍然訓得好林......
行左一陣,希希就醒左...跟住就返屋企lu~~ 今日雖然過得很平淡,不過有希希起度,又覺得特別開心
1 yrs 3個月喇......哩個"un"皮仔愈來愈百厭呀, 真係無時停ga ,"琴"下sofa,"琴"下床, 開下d櫃, 總之就見咩攪咩喇, 隻手仔都冇時停
行左2個月, 係行得好左好多,不過有時仍然左搖右擺, 真係要起側邊睇住先得~ 之前有次帶佢去左玩具反x城睇玩具,放佢落地行啦, 點之佢要同我行反方向wor, 拉扯之下,佢鬆左手成個人向前"樽", 成個人撻左起地下,仲"bo" 左一聲, 個額頭撞瘀左呀, 攪到係咁大喊.....果刻又嬲又心痛
-->
至於食果方面, 有好多食物見到都唔肯食, 如生果, 依家依然要整apple 汁比佢飲先肯飲, 橙唔食....西瓜,木瓜都唔食, 而火龍果開頭唔食,不過食食下又ok, 不過食得唔多,所以我撈落糊仔比佢食 最近婆婆用埋瑤柱煲粥比2個阿b 食, 因為食左好有益wor!
另外. 我最煩緊比唔比希希返n1 呀,因為佢係大b, 要等到3yrs 尾先可以返k1, 哩段時間太長,唔比佢出去學d 野又唔好, 本來唸住比佢返eng pg 既, 1wks 2堂左右, 不過返pg, 公公婆婆都係冇得休息下....如果返n 既半日,咁佢地就可以休息到3個鐘,咁可能會好d........... 唉, 再唸下先~
希希今日14個月大喇,本來係好開心既....不過令媽媽由開心變得好擔心喇
事原希希29號果晚有D發燒,咁我地就帶左希希返屋企住,照顧佢....到第2日我就請假同婆婆一齊帶希希去葵芳睇醫生,等左成3個鐘先睇到 咁好啦, 醫生話佢喉嚨好紅, 應該係發炎,上一次都試過咁,會好高燒既........ 點之食左2日藥,即係FRI, 希希仍然係藥力一過又高燒返!!!下午4點幾接到阿媽電話話希希燒到40度, 果刻真係心都跳埋出來,真係擔心到想喊.......果時又幫公司出左BANK, 想早D 走都唔得, 唯有去完BANK 拿拿淋返公司同阿姐講我想即刻走,帶阿仔入院...... 另一方面, 阿爸好嬲老公收工唔去睇阿仔,明之個仔發緊燒, 都唔過去睇下佢,哩樣我都好嬲呀!!!!
返到屋企已經5:30,我就快D 執好D行李, then同老公過阿媽度接希希.....早d飲完奶就搭的士帶佢法國醫院!! 醫生check 左都話佢喉嚨好紅,其他都冇咩事,不過佢奐咁高燒,所以見意入院住check 下會好d.......
上到病房, d 房都ok 大,3個bb 一間房....仲可以一個人陪床訓sofa 床~ 冇耐姑娘就同希希抽鼻涕喉嚨分秘去化驗,又要去照肺,抽血.......最心痛就係抽血喇,幾個姑娘抱左希希入房,叫我起出面等,不過全程都聽到希希係咁大喊大叫, 可能好痛呀!!! 同埋bb 血管咁細,好難搵同埋d血流得好慢,仲要抽2支....我起出面等個心真係好痛,好想喊,點解個仔咁慘.....最後抽完出返來,希希就即刻攪住我唔再喊 之後都已經好夜, 飲完奶希希就訓喇......
不過剛剛希希訓著時,佢成身係咁打冷震,震到好得人驚, 所以老公就即刻出去搵姑娘, 姑娘話希希準備會發高燒, 所以就即刻同佢塞肛.....果刻我地2公婆都更加心痛...........之後老公返左屋企,而我就差唔多成晚冇訓, 係咁幫希希抹身,等佢退燒........
第2日,希希又好精神wor........佢一退燒真係唔似病, 不過佢d燒時高時低, 都唔知想點~ 朝早d姑娘好早同bb沖涼, then 就等醫生來, 醫生話希希d 血小板比正常少,係因為喉嚨發炎引起既....所以要留院直到佢好為止, 而其他野都冇問題!! 公公婆婆日日都來睇希希, 99都有日日來,不過好快就走~ 當得我同希希時,真係好悶呀......成日要帶佢出大堂行來行去,去小屋到玩下, 幾日都係咁,悶到嘔~
希希燒左幾日, 終於開始退燒喇, 不過佢個身就出左好多紅點.....醫生話係喉嚨發炎引起既,好快會退..........冇燒2日,5號果日終於出得院喇, 真係好開心!!!
哩幾日,真係擔心+心痛死我, 我真係好想希希冇病冇痛,媽咪唔想你受苦呀!!!
13個月多1星期, 希希終於肯放手自己行來行去喇,雖然仲未行得好叻,不過已經唔怕行行下跌落地 真係多得公公婆婆成日帶希希落公園玩, 因為咁先令到希希唔怕跌, 令到佢想快d識走識行,咁就可以同其他小朋友玩
希希依家行得好攪笑, 雙手會舉起, 然後行我好快ga.... 同埋依家好鐘意拉開櫃筒,拎曬入面d衫出來, 真係激死~
話咁快希希13個月喇 ^^ 哩個仔真係好百厭,好貪玩呀, 抱住都要周身郁,真係冇時停ga!
依家都好肯食粥呀,可以成到一大碗,仲好快食完tim, 真係好~ 不過佢既脾氣都好差下, 成日大喊大叫, 郁d 就發脾4........都唔知似爸爸,姨姨定舅父?!
至於行果方面,其實佢一早都識自己行幾步, 不過成日都懶,跌過一次落地就唔肯再行....所以到依家都唔可以真真正正行來行去lor~~ 唔知要等到幾時先可以大膽d 呢?!
仲有呀,發覺佢真係幾細膽下, 好多野都驚ga....花花啦, 有d廣告啦........
不過哩個希希真係帶左好多歡樂比我,令我既人生更加豐富色彩~~
你是我的唯一
新年又過左喇, 今年初4係sun, 所以可以放多日假 
哩個新年都幾辛苦幾 busy 下~
初一: 一早起身餵奶, 飲完奶後就裝身執野, 然後9點左右就到6299家拜年食早餐 , 到左中午就去阿媽度拜年, 食完 lunch 後就住姐夫車出發沙田去伯娘同家姐屋企 ! 6點幾返到屋企,拿拿聲幫阿仔沖涼,自己老公沖涼, 跟住就出發去老公阿叔度拜年食飯.....9點幾返到屋企 !
初二: 老公要返工, 自己一個湊阿仔,煲粥仔洗地, 幫阿仔沖涼 , 到左中午家姐佢地來拜年, 2個b 食完粥仔後就出發去阿姨度拜年......拜完年就返6299度食飯~
初三 : 老公都係要返工, 1對1個b, 阿仔訓著我就做家務, 攪掂曬d 野後, 4點幾就去阿媽度玩一陣, 然後晚上就去6299度食飯!!
初四: 老公都係要返工, 我一早起身梳洗,之後餵阿仔飲奶, 執好野後就出去長發飲茶, 因為今日係爸爸大日子呀, 要請爸爸飲茶先得 !! 飲完茶後就返阿媽度食d 年糕.......本來要同家姐去景林姑媽度拜年既,點之樂仔肚痾呀, 成11點幾先打比我話去唔到 早d 講我咪唔打去話去佢度啦, 攪到我自己一個人拎咁多野揹住阿仔去, 山長水遠,辛苦到不得了....... 一來一回用左我2個鐘車程,返到屋企都覺得頭暈暈, 希希仲遲左一個鐘飲奶tim~
成4點先返到屋企, 我就好快咁餵奶, 之後要洗地, 因為阿妹帶bf 來我度拜年.......真係急到不得了 !!! 4點幾佢地到左喇, 跟住我就5點幾同阿希沖涼, 沖完涼就叫佢地幫我睇住希希,我就洗衫沖涼......攪到來都6點半lu, 叫醒希希起身飲奶 ,其實隔左2個半鐘, 希希居然可以飲到6安奶wor, 勁 !!!
飲完奶就拿拿聲出門口, 今晚book 左7點鐘去酒樓食飯.....2個bb 今晚食左好多野呀, 食左龍蝦麵, 可樂,魚等..... 最鐘意就係食麵
今晚食得好開心呀, 祝爸爸生日快樂, 最緊要身體健康, 開開心心, 心想事成呀!!!!
希希1 yrs 大喇, 真愈來愈多野講, 不過開始認人抱同怕"生寶"喇, 就連6299,爸爸都唔要, 剩係要媽媽, 公公婆婆
希希依家識自己行4步左右喇,不過都好 lazy 下, 成日要人抱,開心先同你行一陣, 佢會一路行一路講野, 睇見都覺得攪笑~ 仲有好鐘意周圍爬,真係好百厭呀,睇少陣都唔得到!!
另外佢由原先下面2隻牙仔, 最近一次爆3隻牙仔出來lu, 上面門牙一隻, 同門牙側邊既2隻牙仔~
食粥方面都係一時時jer, 心情好就同你食, 心情唔好就食幾啖, 要飲奶...........飲奶方便仍然6-7安 ~
身高81-82cm, 重22.x 喇~ 著95- 100碼衫 !
